الشاعر عصام على يكتب : لملم قصايص ورق ...وانفخ رماد الحريق

بقلم الشاعر : عصام على 

لملم قصايص ورق..  وانفخ رماد الحريق
عمرك خلاص اتحرق.. والباقي منك  غريق
جسمك بيزف عرق.. وانت بتهتف زعيق
كنت زمان الجمل ..لكن جسمك نخ
حملك ده مش محتمل..امسك رصاصه وطخ
اطلع واخدم بلادك.. مطره عليك هترخ
طب قولي ايه العمل..  ده الحمل مش محتمل
اوجد لنفسك امل ليعيش باقيك يصرخ
مطره دي اصل الخير.. الجيش ده مطره شر
تتعب ملكش سرير ..برضو هتاكل المر
مالخدمه مبتقفش.. والجيش ده ديما افش..
وان قولت يوم تعبان ..يرموا عليك الطفش
نص الكلام مفهوم ..والباقي مش مختوم..
 والختم عند البيه.. استني لما يقوم ..
لما يقول الامر.. الكل سمع وطاعه
واللي يخالف امر بيعلقوه شماعه
عد فدقايق يومك ..وقولي كام الساعه ..
واما يعدي اليوم.. خبره يقال فاذاعه..