الخوف هو شعور طبيعى وصحى ناتج عن خطر او تهديد او اعراض نفسية ، الخوف أسبابه كثيرة منها المعلوم ومنها المجهول ، ان سالنا اى شخص انت بتخاف ؟ او بتخاف من ايه ؟ بنجد اغلب الاشخاص اجابتها بتكون اننا مبخفش غير من ربنا ، وهنجد أشخاص تانية عندها اعراض خوف من اسباب مختلفة ، فى منها خوف طبيعى وصحى ، وفى الخوف المبالغ فيه واللى ناتج عن مرض نفسى او اوهام .
الحقيقة ان كلنا بنخاف ، بنخاف بدرجات ومن حاجات مختلفة ، فى ناس بتخاف من الضلمة وفى بيخاف من افلام الرعب ، والجن والعفاريت ، وفى ناس عندها فوبيا من حاجات كتير جدا ، من حشرات ، من حيوانات ، من اماكن مرتفعة ، من الملاهى ، ولو فضلنا نعد هنلاقى اسباب كتير جدا وبتختلف من شخص للتانى .
فى خوف تانى ، خوف انك عاوز تكون صاحب كل حاجه ، وخوف انك تخسر حاجه ، خوف انك مش عارف تحقق حاجه ، خوف من الموت ، وخوف من الدنيا ، خوف على اهلك وحبايبك لو حد حصله حاجه ، خوف من المرض والتعب والهم ، خوف على اولادك ، بتخاف يحصلهم حاجه ، بتخاف حبيبك يسيبك ، بتخاف تخسر حد ، وبتخاف تبعد عن حد ، وبتخاف تقرب من حد ، وبتخاف من بدايات حلوة ، وبتخاف من النهايات .
بتخاف حد يكسفك ، بتخاف تقول رأيك ، بتخاف على زعل الناس ، بتخاف تجرح حد .
لما حد يسالك بتخاف او لا او فاكر نفسك مبتخفش ، فكر الاول هتلاقى نفسك بتخاف من حاجات كتير ، الحقيقة كلنا بنخاف .
ليست هناك تعليقات: